500 Years of Christianity Countdown

June 4, 2020, 11:35AM

Manila,Philippines — Nagpahayag ng pangamba ang Association of Major Religious Superiors in the Philippines o AMRSP sa pagpapasa ng mababang kapulungan ng Kongreso sa Anti-Terrorism Bill na mag-aamyenda ‘Human Security Act of 2007′ na sinertipikahang urgent ni Pangulong Rodrigo Duterte.

Sa pahayag na inilabas ng grupo, nangangamba ito sa pagbibigay prayoridad ng pamahalaan sa pagpasa ng mga batas na lalabag sa karapatang pantao at freedom of expression ng mga Filipino.

Ayon sa AMRSP, dapat tutukan ng pamahalaan ang epektibong pagtugon sa pandemyang kinahaharap hindi lamang ng bansa kung hindi ng buong mundo bunsod na rin ng coronavirus disease.

“COVID-19 is the enemy in our midst. Terrorism is not our immediate concern. Marawi’s rehabilitation and the continued displacement of communities should be our priority. People’s health, safety and well-being should be first in our agenda.”pahayag ng AMRSP.

Iginiit ng grupo na masyadong malawak at hindi malinaw ang kahulugan ng terorismo at terorista sa batas na maaaring maging dahilan ng pang-aabuso at maling pagpapatupad ng nasabing batas.

Nanawagan rin ang grupo sa muling pagbubukas ng mga simbahan at parokya alinsunod na rin sa muling pagbubukas ng mga negosyo at mga malls.

Ayon sa grupo, mahalaga rin na mabuksan ang simbahan sa mga mananampalataya lalo sa mga frontliners na nangangailangan ng inspirasyon upang patuloy na labanan ang pandemya na COVID-19.

“Meanwhile churches remain under strict rules of 10 persons in a church activity. If we can open businesses and malls where surely mass gatherings and contacts can occur why can we not open churches so that our people may find solace and may partake of the body and blood of our Lord Jesus Christ? Our frontliners need most these places of worship to keep their sanity and draw inspiration to make them stronger in fighting the pandemic.” Ayon sa AMRSP

Samantala, unang kinondena ng Commision on Human Rights ang Anti-terror bill dahil maraming nakakabahalang probisyon sa panukalang batas na lalabag sa karapatang pantao ng mga ordinaryong mamamayan.

Read: https://www.veritas846.ph/anti-terror-bill-kinontra-ng-chr/

Nasasaad naman sa encyclical ni Pope Leo the 13th noong 1891 na Rerum Novarum na bagamat bahagi ng katungkulan ng pampublikong awtoridad na supilin at parusahan ang anumang paglabag sa batas ay nararapat na igalang ang karapatang pantao.