Cultural

Pinaka-batang Obispo, itatalaga sa Diocese of Iligan

Puspusan na ang paghahanda ng simbahan para sa magkakasunod na ordinasyon at pagtatalaga ng mga bagong Obispo sa iba’t-ibang Diyosesis.

Sa ika-20 ng Agosto nakatakdang ordinahan ang tinaguriang pinaka batang Obispo sa Pilipinas na si Bishop Jose Rapadas sa Cathedral of St. Joseph the Worker sa Diocese of Ipil, Zamboanga.

Itatalaga siya bilang Obispo ng Diocese of Iligan sa ikalima ng Septyembre.

Kasunod nito, ika-21 ng Agosto itatalaga naman sa Minor Basilica of Our Lady of Immaculate Conception bilang ikalimang Obispo ng Diocese of Malolos si Bishop Dennis Villarojo, ang dating auxiliary Bishop ng Archdiocese of Cebu.

Samantala, sa ika-22 ng Agosto, oordinahan bilang Obispo si Bishop Roberto Gaa sa Minor Basilica and Metropolitan Cathedral of the Immaculate Conception sa Archdiocese of Manila.

Nakatakda itong italaga sa Diocese of Novaliches sa ika-24 naman ng Agosto.

Sa kasalukuyan, simula noong Enero 2019, walo na ang mga bagong hinirang na Obispo ng Kanyang Kabanalan Francisco.

Bukod kina Bishop Rapadas at Bishop Gaa, kabilang pa sa walong ito sina, Bishop Ronaldo Lunas sa Diocese of Pagadian, Bishop Rex Andrew Alarcon sa Diocese of Daet, Bishop Marvyn Maceda sa Diocese of Antique, Bishop Fidelis Layog-Auxilary Bishop sa Archdiocese of Lingayen, Dagupan, Bishop Leo Dalmao sa Prelatura ng Isabela, at Bishop Cosme Damian Almedilla sa Dioceses of Butuan.

Sa kasalukuyan, mayroon na lamang tatlong natitirang Vacant Sees(sede vacante sa Pilipinas, at ito ang mga Apostolic Vicariate ng Jolo, Sulu, San Jose, Mindoro at Taytay, Palawan.