EconomicsLatest News

Panukalang lockdown ng NCR, tinawag na impractical ng Obispo.

Panukalang lockdown ng NCR, tinawag na impractical ng Obispo.

Hindi sang-ayon ang Apostolic Administrator ng Archdiocese of Manila sa mungkahing pansamantalang magpatupad ng lock down sa National Capital Region o N-C-R para maiwasang kumalat ang COVID-19.

Sinabi ni Bishop Pabillo na maaring isa itong epektibong paraan na masupil ang pagkalat ng virus subalit ang hakbang ay impractical o hindi naakma sa mga ordinaryong Filipino.

“Pero sa ordinaryong mga tao, paano sila magsu-survive?,”pahayag ni Bishop Pabillo sa programang Pastoral visit on air ng Radio Veritas

Ipinaliwanag ng Obispo na malaking bahagi ng mga manggagawang Filipino na kumikita ng arawan, at umaasa lamang sa kanilang buwanang suweldo ay nasa N-C-R.

“Maganda ang suggestion pero mukhang impractical. Maraming mga tao dito ay survived day-to-day sa pagtinda-tinda. Kapag i-lock down mo yan paano sila kakain,” ayon pa sa obispo.
Unang iminungkahi ng isang mambabatas ang papapatupad ng isang linggong lock down sa Metro Manila dulot ng biglang pagtaas ng bilang ng nagpositibo sa corona virus disease na higit na sa 30 katao.

Kabilang sa mungkahi ang suspensyon sa klase, trabaho, pagsasara ng north at south luzon expressway gayundin sa domestic flights.

Tiniyak naman ng simbahan ang pagsunod at pakikipagtulungan sa panuntunan ng pamahalaan bilang tugon na masupil ang pagkalat ng sakit.

Una na ring naglabas ng pastoral letter si Bishop Pabillo para sa mananampalataya ng Archdiocese of Manila at circular ang Catholic Bishops Conference of the Philippines (CBCP) bilang mga karagdagang panuntunan sa pag-iwas sa nakahahawang sakit.

Read: https://www.veritas846.ph/cbcp-circular-on-public-health-emergency-due-to-covid-19

CHRIST, COVID-19 and OUR FAITH

Maging mahinahon!