Ikinatuwa ng opisyal ng Catholic Bishops’ Conference of the Philippines ang pagkakatalaga ni Pope Francis kay Capiz Archbishop Jose Advincula bilang bagong Cardinal ng Simbahang Katolika sa Pilipinas.
Ayon kay Balanga, Bataan Bishop Ruperto Santos-Vice-Chairman ng CBCP-Episcopal Commission on Migrants and Itinerant People, ito’y isang napakagandang biyaya sa ating bansa.
Sinabi ng obispo na ang pagkakatalaga kay Archbishop Advincula ay nagpapahiwatig ng pag-asa, kasiyahan at kapanatagan sa bawat puso ng mananampalatayang Pilipino sa kabila ng krisis na dulot ng pandemya.
“It is abundant blessing to our country, indeed immense grace to our church. We now have a Cardinal from Visayan region, a worthy gift to the universal church. Amidst this COVID-19 Pandemic, the appointment of Archbishop Jose Advincula is our sign of hope, source of joy and moment of comfort,” ang pahayag ni Bishop Santos sa panayam ng Radyo Veritas.
Tiniyak naman ng obispo ang pag-aalay ng panalangin at pakikipagtulungan kay Archbishop Advincula bilang bagong Cardinal ng bansa.
“We are grateful to our Holy Father and we accompany Jose Cardinal Advincula with our prayers and collaboration,” ayon sa obispo.
Si Cardinal-elect Advincula ang pang-siyam na Cardinal ng bansa at ika-apat sa mga buhay pang Cardinal kabilang sina Cardinal Orlando Quevedo, Gaudencio Rosales at Luis Antonio Tagle-ang kasalukuyang Prefect of the Congregation for Evangelization of People’s na nakabase sa Roma.
Ang 68-taong gulang na si Cardinal-elect Advincula at Cardinal Tagle ang dalawang tanging Cardinal ng Pilipinas na maaaring maging bahagi ng ‘conclave’ o paghahalal ng bagong Santo Papa sakaling magkaroon ng sede vacante.
- Online advent recollection, pangungunahan ng mga kabataan - Wednesday, November 18, 2020 4:20 pm
- EcoWaste sa mga nagsasagawa ng relief ops: Gumamit ng reusable, recyclable materials - Wednesday, November 18, 2020 1:11 pm
- Archbishop of Cagayan de Oro, nagpaabot ng panalangin sa mga biktima ng kalamidad - Monday, November 16, 2020 3:03 pm
- Diocese of Bayombong, nag-alay ng panalangin sa mga naapektuhan ng sakuna sa Region 2 - Sunday, November 15, 2020 1:03 pm
- 36 na parokya sa Archdiocese of Tuguegarao, lubog sa tubig baha - Saturday, November 14, 2020 12:18 pm
- Ibat-ibang Diyosesis, kumikilos na para tulungan ang mga nasalanta ng bagyong Ulysses - Thursday, November 12, 2020 1:54 pm
- Diyosesis na tatamaan ng bagyong Ulysses, nakahanda na - Wednesday, November 11, 2020 3:10 pm
- Apela ng Diocese of Virac sa mamamayan, buksan ang tahanan sa maaapektuhan ng bagyong Ulysses - Tuesday, November 10, 2020 1:14 pm
- Archdiocese ng Palo, itinuon sa pananalangin ang paggunita ng ika-7 taon ng Yolanda tragedy - Monday, November 9, 2020 1:22 pm
- Mahigpit na panuntunan sa ‘Quarrying’, panawagan ng Obispo - Monday, November 9, 2020 10:37 am