Hinimok ng Kanyang Kabunyian Luis Antonio Cardinal Tagle–Prefect of the Congregation for the Evangelization of Peoples ang mananampalataya na isabuhay ang pagmamalasakit at pagtutulungan sa kabila ng hamon na dulot ng pandemya.
Ito ang naging pagninilay ni Cardinal Tagle sa misang ginanap sa Our Lady of the Pillar Cathedral Parish o Imus Cathedral.
Ipinagdarasal ni Cardinal Tagle na ipakita ng bawat isa ang katatagan upang malabanan ang virus sa pamamagitan ng pag-ibig at pagdadamayan sa kapwa.
“Kaya sana mabuhay sa gitna ng pandemic ang mas malalim na pagtutulungan. Ipakita natin na ang virus na ito ay kayang talunin ng mas malakas na pag-ibig at pagdadamayan ng kapwa,” pagninilay ni Cardinal Tagle.
Hinikayat din ni Cardinal Tagle ang mananampalataya na ipakita ang pagtulong, pagkalinga at pagdamay sa kapwa nang walang pinipili o tinatangi.
Ipinaalala ng Cardinal na ang lahat ay magkakapatid at magkakaugnay kaya malalagpasan ang pangkalusugang krisis sa pamamagitan ng pagtutulungan at pagdadamayan.
“Kaya nga ang tawag ay pandemic. Ibig sabihin ay general, apektado lahat. Ipinapakita na magkakaugnay tayo talaga. At sana ang tugon ng pagtulong, ng pagkalinga, ng pagdamay ay maging general. Magkaroon ng attitude na hindi na nagtatangi-tangi, kun’di handang tumulong. kapatid ka at ang ikagagaling mo, kabutihan din ng lahat,” ayon kay Cardinal Tagle.
Si Cardinal Tagle ang ika-apat na Obispo ng Diocese ng Imus, bago hirangin bilang Arsobispo ng Arkidiyosesis ng Maynila na naging Pangulo ng Caritas Internationalis at Prefect of the Congregation for the Evangelization of Peoples’.
- Cardinal Tagle, nanawagan ng ecological conversion at ecological justice - Thursday, March 4, 2021 9:57 am
- Pamahalaan, hinimok na ipatupad ang malawakang information drive sa COVID 19 vaccination - Wednesday, March 3, 2021 1:28 pm
- CBCP Health Care sa mga pulitiko, isantabi ang pamumulitika sa pagbabakuna ng COVID-19 vaccine - Tuesday, March 2, 2021 10:29 am
- PGH Chaplain, duda sa COVID 19 vaccine ng Sinovac - Monday, March 1, 2021 12:07 pm
- Diocese of Tandag, nagbabala sa kumakalat na text scam - Sunday, February 28, 2021 11:56 am
- COVID 19 vaccine webinar, pangungunahan ng CBCP - Saturday, February 27, 2021 2:47 pm
- Pamahalaan, hinamong paigtingin ang programang lulutas sa nararanasang kagutuman sa bansa - Saturday, February 27, 2021 9:03 am
- Pangangalaga sa may sakit, paanyaya nang paglapit sa Panginoon - Thursday, February 25, 2021 12:46 pm
- Pagmimina at illegal logging, sanhi ng ‘abnormal’ na pagbaha sa Surigao del Sur - Wednesday, February 24, 2021 12:45 pm
- Caritas Philippines, tiniyak ang tulong sa nasalanta ng bagyong Auring - Tuesday, February 23, 2021 1:25 pm